KALIBO, Aklan–Haeos tagilid eon ro Russia sa andang ginlunsar nga giyera kontra sa Ukraine.
Suno kay Bombo International Correspondent Greg Aguilar it Califiornia USA nga bangud nga masyadong nabudlayan ro Russian forces sa pag-atake sa Ukraine, taktika sigon makaron ni president Vladimir putin ro pagpa-eawaig ag paggamit it brutal nga military campaign.
Target sigon nanda ro paghalit sa mga sibilyan ag ro pagpangsamad sa mga imprastrakture sa Ukraine.
Posible sigon nga mapierde ro Russia kon magapadayun ro pagsupply it military assistance it US ag iba pang kaalyadong western countries sa Ukraine.
Importante sigon ro economic ag diplomatiko nga tikang agud nga matapos ro giyera, apang kinahangean man ro military aid sa Ukraine samtang owa pa it senyales it ceasefire.
Sa pihak nga parte, ginpahayag ni Aguilar nga maskin ro US hay naga-antus sa grabeng pagtaas it presyo it produktong petrolyo.
Raya hay maskin nga ginmandu eon ni biden ro pagpaguwa it haeos 1 milyon nga bariles it langis bilang reserba.
Mabudlay suno kana nga magbakae it Russian oil bangud nga ro bilog nga kalibutan mag-eowas sa Russia hay owa man it kwartang rubles.
