KALIBO, Aklan—Temporaryong ginbawaean it gobyerno it Russia ro pagpatigayon it mass gatherings kasunod sa nag-eontad nga pag-atake it mga armadong bandido sa concert hall nga nahamtang sa Crocus City Hall sa krasnogorsk, Moscow nga ginkamatay it kapin sa 133 katawo ag masobra sa 100 ro ninahan.
Suno kay Bombo International Correspondent Genevive Dignadice it Moscow, Russia nga ginmando ni Russian President Vladimir Putin nga ginabawaean ro pagpatigayon it mga konsyerto nga nagahakot it libo-libong katawo ag maging ro mga aktibidad it Filipino community sa tyempo it Semana Santa hay ginlimitahan.
Sa pihak it nagapadayon nga imbestigasyon it mga awtoridad, posible suno kay Dignadice nga ginaangot it gobyerno ro krimen sa tunga it nagapadayon nga gyera nanda it Ukraine.
Pag-abot suno kana sa mga shooting incident nga nagakinatabo sa kabisera it nasyon, raya eon ro ginakabig nga worsen ag deadliest incident bangud sa mabahoe nga numero it mga indibidwal nga binawian it hueam nga kinabuhi.
Sa makaron suno kay Dignadice hay makabig nga malinong ag bangud sa limitasyon nga gin-implementar it gobyerno pag-abot sa mga aktibidad ag ro tanan nga mga Pinoy nga nagaistar ag nagatrabaho sa nasambit nga lugar hay una sa eowas nga kahimtangan.
