Pormal eon nga ginpirmahan ni Russian President Vladimir Putin ro annexation it ap-at nga Ukrainian regions kahapon, Oktubre 5 sa pihak it padayon nga pakigsukoe it Russian forces sa pagpundo sa opensiba it Ukrainian forces sa nasambit nga mga teritoryo.
Ro ap-at nga federal constitutional laws sa pagsueod sa Russian Federation hay ro Donetsk People’s Republic (DPR), Luhansk People’s Republic (LNR), Kherson region ag Zaporizhzhia region.
Raya hay katumbas it 18% it teritoryo it Ukraine.
Ginpirmahan man ni Putin ro decrees para sa pormal nga pag-iliher sa presenteng mga lider it ap-at nga rehiyon ngaginauportahan it Moscow bilang acting leaders.
Madumduman nga gindeklara it Russia ro annexation matapos nga magpatigayon it gintawag nga referendums sa okupadong mga lugar sa Ukraine.
Apang sa bahin it Kyiv ag Western allies kara nga ro nasambit nga referendums hay pag-eabag sa international law ag indi aya pagakilaeanhon.
Nagpromisa man ro Ukraine nga bpagabawion it andang mga sundado ro ano man nga teritoryo nga gin-okupa it Russian forces.
