International News——-Uman nga nagpaandam si Russian President Vladimir Putin sa mga Western countries nga maga-intra sa presente nga naga-eontad nga giyera sa Ukraine.
Sa speech ni Putin maghalin sa St. Petersburg, anang ginpahayag nga maga-atubang sa sangka-“lightning-fast” military response ro mga nasyon nga maga-intra.
Partikular nga ginatumod ni Putin ro ballistic missiles ag nuclear arsenal it Moscow.
Suno kay Putin, pagagamiton nanda ro tanan nga weapons nanda kung kinahangean.
Ro panibag-o nga paandam ni Putin hay kasunod it naga-inabo nga military support para sa Ukraine ko nagtaliwan nga mga inadlaw.
Madumduman nga nagpromisa si US Defense Secretary Lloyd Austin nga andang igapatigayon ro tanan agud nga masiguro ro kapiyerdehan it Ukraine sa Russia.
Sa pihak nga parte, nag-anunsiyo man ro Germany nga magapadaea sanda it kapin sa 50 anti-aircraft tanks sa ukraine.
Ginaeauman man nga magatao man ro UK it fighter jets sa Ukraine.
Samtang, nagpromisa si Putin nga pagatapuson ro ginatawag kara nga special military operation para masakop ro ginakabig it Moscow nga teritoryo maghalin sa Ukraine.
Ginasaea man ni putin ro mga nasyong kaibahan sa NATO ag anda nga kaalyado sa pagpa-grabe it kinagamo sa Ukraine.
