International News——Umpisa nga eusubon it Russian forces ro Ukraine, naapektuhan ro global energy market bangud sambilog ro Russia sa largest oil producer.
Nag-eutaw man ro de facto embargo sa Russian oil rason nga pilang ka mga oil companies, trading houses , shippers ag banks ro nag-atras eun.
Apang may pilang sinyales nga pilang mga potential buyers ro interesado sa Russian energy it patago.
Samtang nagapadayun ro giyera sa Ukraine, ro russian tankers nga may sueod nga crude oil ag mga produktong petrolyo hay madasig sigon nga nagakaduea maghalin sa tracking systems.
Sa ginatawag nga dark activity kun sa siin ro ships transponders hay nakaturned off it pilang oras ginapatihan it US officials nga sangka deceptive shipping practice ro perming ginagamit agud nga matakasan ro ginapatuman nga sanctions.
Base sa predictive intelligence company nga Windward, ro dark activity sa russian-affiliated crude oil tankers hay nag-abot it hasta 600% kumpara kat dati pa nga nag-umpisa ro giyera sa tunga it Russia ag Ukraine.
Nakit-an man suno kay Windward CEO Ami Daniel nga naga-inabo ro Russian tankers nga nakapatay ro transmissions agud makalikaw sa sanctions kun sa siin gina-umpisahan eun it Russian fleet nga itago ro andang nahamtangan ag ro andang mga ginahimong exportation bukon eamang sa crude oil kungdi pati eun man sa mga produktong petrolyo.
