International News——-Nagpanindugan si Ukraine President Volodymyr Zelensky nga owa imaw it intensiyon nga aywanan ro Kyiv, ro lugar kun sa siin makit-an ro anang quarters.
Raya hay sa pihak it maabong pag-atake it missile nit Russia sa Kyiv.
Suno kana, imaw ro pinakaunang target it Russia.
Ginpahayag ni Zelensky nga una sa 137 Ukranians eun ro namatay sa bakbakan nga ginakaeakipan it mga sibilyan samtang una sa 316 ro naninahan.
Ginakahadlokan nga madugangan pa ro mga raya samtang padayun ro pag-atake it mga suldado sa Russia para makubkob sigon ro pilang lugar it Ukraine.
Gin-uman man it Presidente ro anang mga panawagan sa western nations nga maghimo it masobra pa sa pagtao it halit nga pang-ekonomiya sa Russia.
Gin-insister man kara nga owa sanda nahadlok sa Russia.
