KALIBO, Aklan—Nakabaton eon it kopya it executive order nga ginpaguwa ag ginpermahan ni Aklan Governor Florencio Miraflores ro taeatapan it Kalibo International Airport kung sa siin uman nga ginapasugtan ro pagpauli it mga locally stranded individuals ukon LSI’s.
Apang sa pihak kara, may pilang ka mga airline companies ro nagkansela it andang flights.
Kaibahan kara ro Air Asia ag Cebu Pacific nga nagkansela it flights hasta sa Setyember 30.
Padayun man ro flights it Philippine Airlines kada adlaw it Biyernes ag Dominggo.
May kaangtanan kara, uman nga nagpanawagan si Civil Avaition Authority of Philippines (CAAP) Aklan manager Engr. Eusebio Monserate Jr. sa mga may transakyon sa paeuparan nga magsunod sa mga ginapatuman nga health protocol.
Kaeakip eun kara ro mandatory nga pagsuksok it face mask ag face shield bilang tikang agud indi eun magkalhit pa makamaeatay nga virus nga COVID-19.
