KALIBO, Aklan—Sa pihak nga sigidas ro naeksperyensyahan nga power interruption sa bilog nga probinsya it Aklan, uwa raya nakapauntat sa mga hampang nga ginapatigayon sa nagapadayon nga Western Visayas Regional Athletic Association ukon WVRAA Meet 2023.
Suno kay Mr. Hernani Escullar Jr. spokesperson it Department of Education ukon DepEd region VI nga sigidas gihapon ro nagasueod nga data maghalin sa field pinaagi man sa mga printed documents rason nga nakakapaguwa gihapon sanda it mga games result ag medal tally.
May mga hampang eon sigon nga nagtapos ag may una pa nga nagapadayon hasta sa makaron.
Mag-eowas kara, uwa man sanda it mga major problem nga naencounter ag tanan sigon hay nagatrabaho para sa kadaeag-an it raya nga sporting events nga magatapos eon hin-aga nga adlaw it dominggo, Abril 30, 2023.
