KALIBO, Aklan—Sa pihak it naexperiensiyahan nga habagat ag mga pag-uean-uean, owa naapektuhan ro tourist arrivals sa isla it Boracay.
Suno kay Malay tourism officer Felix Delos Santos nga naga-average makaron ro numero it mga domestic tourists sa 6,000 hasta 8,000 kada adlaw.
Base sa andang datos, umpisa Mayo 1 hasta 7, nakalista it kabilugan nga 100,302.
Sa nasambit nga numero, haeos 10 porsiyento kara ro mga dumueuong.
Nagapanguna kara ro naghalin sa Amerika, Europe, Germany, UK, ag pilang Asian countries kapareho it Korea.
Mahina pa suno kana ro pagsueod makaron it mga Chinese tourist bangud sa mataas nga kaso it COVID 19 sa andang nasyon partikular sa Shanghai.
Gindugang pa ni Delos Santos nga owa pa it direct flights nga nagatugpa sa Kalibo international airport apang ginabati-bati nga posibleng makaangkon kara sa Hunyo 15 halin sa Korea.
Kaeabanan sigon nga naganaba ro tourist arrivals kada buean it mayo kasunod it pagtuhaw it rainy season.
Base sigon sa recovery and resiliency plan, hasta nga bukon pa it full-blast ro pag-aeabutan it mga foreign tourists hay ginakonsidera nanda nga indi pa eubusan nga makabangon ro Boracay.
