KALIBO, Aklan–Sa pihak nga balik eon ro fireworks display sa isla it Boracay sa pagsug-aeaw sa bag-ong dag-on, apang ginpahayag it Bureau of Fire Protection ukon BFP-Malay nga owa pa sanda it may nabaton nga dokumento angot kara.
Suno kay Fire Senior Inspector Arnold Dimaano , Malay Municipal Fire Marshall nga kinahangean nanda ro resolusyon maghalin sa lokal nga gobyerno ag Department of Environment and Natural Resources ukon DENR nga ginapasugtan eon ro pagpatigayon it fireworks display.
Nauna eon nga ginkumpirma sa bombo radyo it malay tourism office nga igabalik eon ro dag-unan nga atraksyon sa Boracay kun sa siin raya hay pagapasakupan it mga nagkaeain-eain nga establishments sa December 31.
Nasayuran nga pitong lugar sa isla ro gintaw-an it go signal nga magpatigayon it nasambit nga aktibidad.
Ginaduso makaron it LGU nga obrahon nga mas wholesome destination ro Boracay nga mas ma-enjoy it mga mag pamilya nga bakasyunista.
