KALIBO, Aklan — Nadiskubre ro sangka sachet it ginadudahan nga shabu nga ginatantiya nga nagabalor it P8,000 hasta P15,000 sa sueod it sangka puea nga back pack nga naaywan it owa nakilaea nga pasahero sa sangka pampasaherong van, Miyerkules it hapon.
Ro nasambit nga illegal nga droga hay nakit-an sa secret pocket it nasambit nga bag matapos nga ginturn-over raya it van driver nga si Rhey Segovia, 39, ag residente it Brgy. Poblacion, Ibajay sa Kalibo Police Station.
Ginasugid nga nakibot eamang ro mga kapulisan kat makit-an ro droga kaibahan ro bulb tooter sa pag-usisa sa sueod it bag sa pag-eaum nga makakita it anuman nga ID nga makatumod sa pagkatawo it nagapanag-iya kara.
Ginatumod eon it mga otoridad kun sin-o ro nagapanag-iya it bag.
