Bukon it tama ro gin-obra it bag-ong butang nga secretary it Department of Migrant Workers nga nagbo-oe sa deployment ban it OFWs sa Saudi Arabia.
Sa pagbo-oe it ban, matsa gina-apinan kara ro mga naga-abusong employer.
Sa nasambit nga tikang, posibleng mag-abu pa ro mga magamaltrato sa OFWs.
Owa dapat nga ginbo-oe ro deployment ban nga ginmandu ni Labor Sec. Silvestre Bello III ko Nobyembre 2021 bangud nga raya ro tamang tikang agud nga mapugngan ro pagpang-abuso it pilang Saudi employer.
Ginsuspinde ni Bello ro pagpadaea it overseas workers sa Saudi bangud sa sangka employer nga nagamaltrato sa mga Pilipino, owa ginpasweldo ro mga trabahador nga Pinoy.
Ko nagtaliwan nga Abril 25, sangka department order ro gin-isyu ni Department of Migrant Workers Secretary Abdullah Mama-o nga nagabo-oe sa deployment ban.
Ro deployment ban hay gin-obra ni Bello kat magreklamo kana ro 16 nga OFWs nga ginpintasan it Saudi General nga nakilaeang si Ayedh Thawah Al-Jealid.
Suno sa mga Pinoy, umpisa pa ko 2019, owa sanda ginpasweldo ni Al-Jealid ag ginasakit pa.
Padayunon ni Bello ro unang direktiba nga indi magpadaea it OFWs sa Saudi Arabia.
Basi nga mas grabeng problema pa ro matabu kun magapadayun ro deployment.
Solbaron anay ro problema antes nga padayunon ro deployment.
Tama ro anang gin-obra kaysa sa tikang it bag-ong appoint it department of migrant workers.
