Health News ————–Natak-an ka baea nga makaangkon it sakit nga ueo bangud sa hangover?
Kumbaga hay matsa gusto mo eon nga isumpa ro aeak ag magapromisa nga indi eon maga-inom it uman.
Say no more sa nakaka-stress nga hangover bangud nga hayra ro pila sa mga pagkaon nga dapat kaunon antes nga sumabak sa inuman ukon drinking session.
Kon naga-usoy ka it epektibong merienda antes nga sumabak sa inuman, okey ro pagkaon it saging.
Suno sa mga eksperto, ro saging hay bugana sa potassium, kamana man nga raya hay himo sa 75% water.
Ag bangud ro pag-inom it aeak hay nagiging rason it pirmeng pag-ihi nga puwedeng magresulta sa dehydration ag electrolyte loss, ro pag-hydrate ag pag-intake it potassium hay makabulig agud nga malikawan ro electrolyte imbalance.
Mag-eowas kara, ro saging hay naga-angkon man it fiber nga nagapahinay it alcohol absorption agud nga indi eagi mahilong .
Samtang, kun ikaw man hay may sensitibong tiyan, ro saging hay may natural antacid effect, nga nakakabulig agud nga malikawan ro acid reflux ag iba pang gastrointestinal discomfort.
Mag-eowas sa saging, pwede man ro greek yogurt nga nakakabulig sa digestion ag salmon nga bugana sa Vitamin B12, nga essential para sa red blood cell production ag nervous system agud nga mag-function ag ro avocado toast with egg kun sa siin ro gina angkon kara nga proteins ag healthy fats hay mayad nga nagapahinay it alcohol absorption .
