Owa it paki-alam nga ginkaon it sangka art student sa South Korea ro banana artwork nga nagabalor it $120,000 dollars!
Ko nagtaliwan nga Abril 27, ginkaon it Seoul National University art student nga si Noh Hyun Soo ro saging halin sa sikat nga art installation it Italian visual artist nga si Maurizio Cattelan nga naka-exhibit sa Leeum Museum of Art.
Ro nasambit nga artwork nga may titulong “Comedian” hay art installation nga ro sangka saging hay nakadukot sa pader gamit ro duct tape.
Gina istoryahan ro nasambit nga artwork sa kalibutan it art matapos raya nga mabaligya sa balor nga $120,000 dollars sa Art Basel Miami Beach ko Disyembre 2019.
Owa nahawiran it mga staff si Noh bangud nga naging madasig ro hitabu ag insigidang nakaon ro saging.
Pagkaubos sa saging, ginbalik ni Noh sa pagkadukot sa pader ro anang panit.
Kat ginpangutana si Noh kun ham-an nga gin obra nana raya, ro anang rason hay gingutom imaw pagkakita it saging.
Suno spokesperson it museum, na-inform eon nanda ro Italian artist angot sa natabu sa “Comedian”.
Owa naakig si Cattelan ag ro nahambae eamang nana hay “No problem at all”.
Nasayuran nga ro saging sa “Comedian” hay regular nga ginabayluhan it bag-o at fresh nga saging every two to three days.
Owa it penalidad nga ginpapanaog ro museum kay Noh bangud nga insigida man nga nabayluhan ro ginkaon kara nga saging.
Magapabilin sa Leeum Museum of Art ro “Comedian” ag ro bilog nga exhibition ni Cattelan hasta sa Hulyo 16, 2023.
