KALIBO, Aklan – Suportado it Department of Science and Technology (DOST) ro imbensyon it sangka Aklanon nga hybrid trimaran vessel nga gina padaeagan pinaagi sa tubi-dagat.
Binisita ni DOST Secretray Fortunato dela Peña ro shipyard ni Engr. Jonathan Salvador sa New Washington, Aklan, kun siin makita ro anang naimbentong saeakyang-pandagat nga naga gana sa nabo-oe nga enerhiya maghalin sa humbak nga makatipid sigon it haeos 20 porsiyento sa fuel consumption.
May ikasarang sigon raya nga magsakay it 150 nga pasahero ag ap-at nga saeakyan nga matsa roll-on-roll-off ukon RoRo vessel.
Suno kay Secretary dela Peña, magataeana sanda it P62 million para sa nasambitang proyekto katuwang ro Aklan State University, Maritime Industry Authority ag shipyard ni Engr. Salvador.
Tuyo sigon kara nga mas pang mapabaskog ro marine transportation and technology sa nasyun.
