HEALTH News —- Ro fatty liver hay tambok nga natipon sa selula it atay ag kaeabanan nga nakikita sa mga tawong ro edad hay 40’s ag 50’s.
Kaeabanan nga owa raya it sintomas apang sa ibang pasyente, nagabahoe ro atay, masakit sa tuo nga parte it tiyan ag madaling magaoy.
Suno sa mga eksperto, posibleng may koneksyon ro fatty liver sa pagiging matambok, mataas nga asukar sa dugo ukon diabetes, mataas ro triglyceride ag kolesterol.
Ro iba pang risk factor hay PCOS o polycystic ovary syndrome, hypothyroid ag iba pang sakit.// Makkita ro fatty liver pinaagi sa ultrasound.
Ginalaygay sa mga may fatty liver ro magkaon it daywang tasa it tinuea ag daywang tasa it prutas kada adlaw; pwedeng magkaon it mais, patatas, kamote, ube ag kamoteng kahoy; Magbawas sa humay nga puti; mayad ro protina nga halin sa isda, mongo beans, karne, manok nga owa it tambok, low fat milk, yogurt ag soya milk; Pilion ro healthy fats kapareho it mani, kasoy, garbanzos ag olive oil; maglikaw sa butter ukon krema, mayonnaise ag sebo.
Ipabilin ro tamang timbang ag regular nga mag-ehersisyo; tubi ro pinakamayad nga imnon; ag maglikaw sa mga matam-is nga ilimnon.
(Dr. Willie Ong)
