Nagapanguna sa gihapon nga rason it pagkamatay sa Pilipinas ko 2022 ro ischemic nga sakit sa tagipusuon.
Suno kay Philippine Heart Association (PHA) Director ag Chairman for Advocacy Dr. Luigi Pierre Segundo, base sa Philippine Statistics Authority (PSA) data , nagapanguna gihapon ro ischemic heart disease sa rason it pagkamatay sa Pilipinas ag sa bilog nga kalibutan ag bukon it COVID-19.
Makarondaya man ro nakita it grupo ko 2020 nga unang parte it COVID-19 pandemic.
Ro coronary artery disease ukon kilaea sa tawag nga ischemic heart disease hay ro kakueangan it daeagan it oxygen sa tagipusuon nga rason it pagpi-ot it coronary artery halin sa pagtipon it kolesterol nga nagapabudlay sa pagdaeagan it dugo, partikular eon ro oxygen.
Sintomas it nasambit nga sakit ro angina nga tawag sa sakit sa dughan nga ginapatihan it mga doctor nga bangud sa coronary heart disease.
Ko 2003, indi maganaba sa 5.2 milyong Pilipino ro may una nga angina samtang 12.4 milyon ko 2013.
Ginlaygayan it mga eksperto ro mga naka-experiensiya it angina nga magpakonsulta sa andang cardiologist para sa tamang bueong.
