KALIBO, Aklan — Bilang kaparte sa gihapon it gina himong paglimpiyo ag rehabilitasyon sa isla it Boracay, sako-sakong basura ro nabo-oe it mga volunteer divers sa kaeawuran it isla.
Base sa report, gina boebanta nga sa 50 ro volunteers, kaeakip ro mga miyembro it Boracay Association of Suba Diving School (BASS) ag Professional Association of Diving Instructors nga dueonghan nga naglimpiyo sa idaeum it eawod.
Mga plastic, bote, lata, putos it dulce ag maabong iba pa ro nabo-oe sa nasambitang clean up.
Sa pihak nga parte, gina kolekta man it mga divers ro mga mapintas nga starfish nga gina tawag nga crown of thorns bangud naga kaon ag naga patay ro mga raya it korales.
Madumduman nga umpisa ku Abril 26 hay temporaryong gin sarado ro isla sa mga turista agud taw-an it daean ro rehabilitasyon matapos bansagan ni Pangueong Rodrigo Duterte nga cesspool ro baybayon it isla it Boracay.
