Nagapati si House Ways and Means Chairman ag Albay Representative Joey Salceda nga imbes iduso it Philhealth ro premium rate cut, ipataas eon lang ro benefits package para sa mga miyembro.
Reaksyon raya ni Salceda angot sa proposisyon it state insurer nga buhinan ro premium rate.
Ginpahayag ni Philhealth President Emmanuel Ledesma nga anang igarekomenda kay Pangueong Ferdinand Marcos Jr., nga buhinan ro Philhealth contribution Premium Rates.
Apang, gin-insister ni Salceda nga maskin iproposisyon ro pag withdraw sa excess funds it National Government, base sa pagtantya it Department of Finance (DOF) may una gihapon nga P500 billion pesos nga excess funds ro Philhealth.
Base sigon sa anang pagtantya hay nagakinahang-ean gihapon kita it kapin sa P1.8 trillion peos nga pondo para mapondohan ro mga catastrophic health needs, partikular sa mga Senior Citizens.
