KALIBO, Aklan — Amat-amat eon nga ginbalik sa Kalibo ro mga salvage materials halin sa ginguba nga Captain Gil Mijares Memorial Building nga temporaryong ginhakot sa banwa it Malinao.
Raya ro ginpahayag ni Sangguniang Bayan member Raymar Rebaldo kasunod it anang privilege speech nga nagapanawagan it kumpletong imbentaryo it mga materyales, kaibahan ro mga saesaeon, kahoy, yero, pwertahan, bintana ag iba pang kagamitan nga nabo-oe halin sa gin-demolish nga building .
Ginpamilit ni Rebaldo nga kinahangean nga masiguro ro tamang pagdumaea ag dokumentasyon it mga materyales.
Depensa sigon it contractor nga owa man it nakabaehag sa andang ginpirmahan nga memorandum of understanding (MOU) nga obligasyon kara nga ibalik sa lokal nga gobyerno ro mga salvage materials.
Apang raya hay sangka klaru sigon nga pag-eabag sa mga patakaran it Commission on Audit (COA).
Engkaso nga mapamatud-an nga may iregularidad sa pagbuyot it nasambit nga mga materyales hay igapasaka nana sa legal nga proseso ro isyu.
Nasayuran nga planong obrahon nga National Museum of the Philippines–Kalibo ro nasambit nga building nga may nakataeanang pondo nga ₱50 milyon.
