Sam, aminadong si Catriona eon ro pagapakaslan

Uwa natindugan ni Sam Milby ro anang ginhambae kato nga sa pag-abot nana sa edad nga 35 anyos hay maga-asawa eon raya.

Ro Filipino-Canadian actor hay una eon makaron sa 39 anyos kon sa siin eampas eon raya sa ginahambae nana nga marrying age.

Maskin nga may nobya imaw sa katawuhan ni Catriona Gray hay uwa gihapon raya it plano nga mag settle down.

Suno pa sa aktor, inde eon imaw magbuhi it mga kataga mas kapin pa kon ro anang edad sa pagpakasae ro paga-istoryahan bangud nga uwa nana raya nasunod sa una pa eamang nana nga pagpahayag.

Apang, gin-ako ni Sam nga naistoryahan eon nanda ni Catriona ro angot sa kasae.