Ginkumpirma it Samahang Basketbol ng Pilipinas (SBP) nga dayun eon ro paghampang it Filipino-American ag NBA player nga si Jordan Clarkson sa Gilas Pilipinas sa masunod nga buean kasunod sa 2023 FIBA World Cup.
Ginhimu it SBP ro pahayag matapos nga una eon man rayang ginpahayag ni head coach Chot Reyes.
Apang, owa sa ginpaguwa nga pahayag it SBP kung ro management it Utah Jazz, FIBA ag NBA hay may release order ukon pagpasugot sa uman nga paghampang ni Clarkson sa national team it Pilipinas.
Ginklaro man it Samahang Basketbol ng Pilipinas nga si Clarkson hay maging kaparte it Gilas sa World Cup sa masunod nga dag-on ag kamana man sa fourth window sa hampang konta sa Lebanon nga pagahiwaton sa Beirut sa Agosto 25 ag kontra sa team it Saudi Arabia nga pagahiwaton man sa MOA Arena sa Aug. 29 para sa World Cup sa Asian qualifiers.
Pagkatapos kara sa Oktubre hay indi eon puwede si Clarkson maghapang bangud maga-umpisa eon ro NBA season.
Rason nga pagapiliton man it SBP nga maboue si Kai Sotto para makapartisipar sa masunod nga tatlong windows it FIBA, kamana man sa SEA Games ag sa World Cup.
Madumduman nga ulihinh naghampang ro 6th Man of the Year it NBA nga si Clarkson k nagtaliwan nga 2018 Asian Games kung siin napiyerde ro Pilipinas sa South Korea sa quarterfinals round.
