KALIBO, Aklan—Sambilog pang barangay sa Aklan ro kaibahan sa 60 nga barangay sa bilog nga Western Visayas ro gindeklarang drug cleared matapos nga makapasa sa deliberasyon it Regional Oversight Committee.
Buot hambaeon nga naka-comply ro mga nasambit nga mga barangay sa parameters it Dangerous Drugs Board.
Sa 60 nga mga barangay sa rehiyon nga gindeklarang drug cleared, 26 kara hay naghalin sa probinsya it Iloilo, 19 ro halin sa Negros Occidental, 11 sa probinsya it Capiz, 3 sa siyudad it Iloilo.
Naga-abot eon sa 3,216 nga mga barangay sa Western Visayas ro gindeklarang drug-cleared.
Raya hay kaparte it kampanya it Philippine Drug Enforcement Agency ukon PDEA agud nga eubusan nga matapna ro pagkalhit it illegal nga druga sa mga barangay sa bilog nga nasyon.
