-- ADVERTISEMENT --
KALIBO, Aklan — Padayun nga ginatugis makaron it mga otoridad ro sangka preso matapos nga makapaeagiw sa Batangas port samtang nga nagapa-uli eon kunta sa Aklan halin sa pagtambong sa hearing sa Manila, Martes it agahon.
Natakasan it inmate nga si Igmedio Tropa, residente it Brgy. Agbalogo, Makato ro anang mga escort nga jail guards it Aklan Rehabilitation Center (ARC).
Ginasugid nga ro preso nga may kasong double murder hay nagtambong sa court hearing sa Manila para sa separadong kaso.
Nataeupangdan eon lang sigon it anang escort nga owa eon si Tropa sa anang euyo samtang nagapasakay it barko sa nasambit nga pantalan.
