KALIBO, Aklan—Padayun makarun nga ginatugis it mga otoridad ro sambilog sa mga organizer sa natabong Halloween party sa sangka panimaeay Sitio Cagban Brgy. Manoc-Manoc sa isla it Boracay kung sa siin nataeupangdan nga nag-eabag sa pilang ka mga health protocols nga ginapatuman it National Inter-agency Task Force against COVID-19 agud malikawan ro pagkalhit pa it makamaeatay nga sakit nga COVID-19.
Suno kay Malay Mayor Frolibar Bautista nga antes pa magkalhit ro video sa natabong party ko petsa 31 it Oktubre kung sa siin makit-an nga owa nagasunod sa minimum health protocols kapareho it pagsuksok it face mask, ag social distancing ro pilang ka mga indibidwal hay may mga nahimo eun it tikang ro lokal nga gobyero it banwa agud mapasakaan it nagakaigo nga penalidad ro mga nagbayolar.
Samtang ginmultahan man it P7, 500 ro sambilog pang organizers matapos boluntaryong mag-surender sa mga otoridad.
Samtang ginpasakaan man it kaso ro daywang ka mga foreigner matapos nga magsuksok it uniporme it pulis bilang costume.
Sa pihak kara, ginpasiguro man it alkalde nga nagapabiling (COVID-19)-free ro nasambitan nga isla.
