Sambilog sa mga pangunang tulay sa Russia nasamad it Ukraine

RUSSIA – Nasamad it Ukraine ro sambilog sa mga pangunang tulay it Russia nga makit-an sa Seym river.

Ro insidente hay resulta it ginahimo nga pagpasangkad nga pag-eusob it Ukraine sa Kursk region it Russia.

Suno sa mga opisyal it Russia nga  nahueog ro tulay nga makita sa banwa it Glushkovo.

Bangud sa insidente hay maapektuhan ro pagsuplay it Kremlin sa mga sundalo nanda.

Nagpanindugan si Ukrainian President Volodymyr Zelensky nga andang ginpabaskog ro presensya it mga sundalo kara sa Kursk.

Ro nasambitan nga sinakop nanda nga lugar hay mahimo ibaylo sa mga sinakop nga lugar man it Russia sa Ukraine.

Magsobra 120,000 nga katawo man ro nagbakwit bangud sa ginahimo nga sopresang cross-border it Ukraine.