-- ADVERTISEMENT --
KALIBO, Aklan–Presenteng una sa paghinakop it Numancia Municipal Police Station ro sambilog sa mga suspek nga nagbuno-patay sa tricycle driver nga si Wilfredo Tamayo Jr., 39-anyos, tumandok it Brgy. Mangan Banga ko nagtaliwan nga Nobyembre 27, 2021 sa bahin it Brgy. Camanci Norte, Numancia.
Ro suspek hay ginkilaea kay Jomar Palacios alyas Joker, 24-anyos, residente it Brgy. Bulwang, Numancia.
Si Palacios hay naaresto sa bahin it Brgy. Tabangka, Numancia kahapon pinaagi sa gahum it warrant of arrest nga may criminal case number 16247 para sa kasong murder.
Madumduman nga nasapwan eon lang nga duguan ag owa eon it kabuhi sa binit it karsada ro biktima matapos nga makaangkon it pilang ka mga tama it pagbuno sa nagkaeain-eain nga parte it eawas.
