Ginmando it Sandiganbayan Third Division ro 90-diyas nga preventive suspension kay Senador Rodante Marcoleta angot sa ginapangatubang nana nga kasong plunder.
Sa resolusyong ginpaguwa ko Oktubre 19, ginmando it anti-graft court ro suspensiyon ni Marcoleta, nga magaumpisa sa oras nga mabaton nana ro nasambit nga resolusyon.
Nag-ugat ro kaso sa P75 milyong ill-gotten wealth nga uwa sigon gindeklara ni Marcoleta sa anang Statement of Contributions and Expenditures (SOCE).
Suno sa mga alegasyon sa kaso, nabaton sigon ni Marcoleta ro nasambit nga haega halin sa dating kongresistang si Mike Defensor ag negosyanteng si Aristotle Viray kat imaw hay representante pa it SAGIP Party-list.
Suno sa Sandiganbayan, awtomatikong matatapos ro suspensiyon sa pagkataliwan it 90 diyas.
Samtang, ginklaro it korte nga indi maapektuhan it suspensiyon ro mga obligasyon it Senado bilang sangka collegial body.
