-- ADVERTISEMENT --
Gin-mando it Sandiganbayan Sixth Division ro 90-diyas nga preventive suspension kontra kay Uswag Ilonggo Party-list Representative James “Jojo” Ang Jr. angot it 14 counts it graft nga ginapangatubang kara sa anti-graft court.
Ro kaso hay ginpasaka it Office of the Ombudsman matapos sigon nga matumod nga may financial interest si Ang sa mga kontrata it Department of Public Works and Highways ukon DPWH sa paagi it pagiging stockholder ag koneksyon sa daywang kompanya.
Ro preventive suspension, nga nakabase sa Section 13 it Republic Act No. 3019 ukon Anti-Graft and Corrupt Practices Act, hay uwa ginakabig nga penalidad, kundi sangka tikang agud malikawan ro posibleng pagpasilabot sa mga saksi ag ebidensya samtang nagapadayon ro pagbista.
