-- ADVERTISEMENT --
KALIBO, Aklan —Padayun nga gina-obserbahan sa Aklan Provincial Hospital ro sang dag-on nga ungang eaeaki matapos nga mabakog it ginkaon nga suea nga bang-eus samtang nga naga-ihapon sa andang baeay sa Brgy. Tayhawan, Lezo.
Nakilaea ro pasyente nga si Andrei Baltazar, residente it nasambit nga lugar.
Base sa report, samtang ginahimayan imaw it suea it anang ina hay gulpi kara nga ginbo-oe ro suea sa pinggan ag dayun nga ginkaon.
-- ADVERTISEMENT --
Gulpi eamang sigon nga nagtangis ro unga ag sa pag-usisa hay natukiban nga raya hay nabakog.
Nakataeana raya nga igapaidaeum sa x-ray examination agud nga matumod ro ginakahimtangan it bakog sa puwak it unga.
