-- ADVERTISEMENT --
KALIBO, Aklan–Ginkumpirma ni Kalibo Sangguniang Bayan member Ronald Marte nga may ginpatigayun sanda nga special session ko adlaw it Biyernes para talakayon ro request nga ‘resolution of authorization’ ni Mayor Juris Bautista Sucro angot sa proyekto it Department of Transportation (DOTr).
Partikular ro Kalibo International Airport Development Project.
Ginklaro it opisyal nga ro papel it lokal nga gobyerno hay ro pag-manihar it resettlement it mga naapektuhan it expansion project it paeuparan.
Tuyo kara nga mapadasig ro development ag masabat ro demand it mga apektadong tenant.
Ro P250 million nga iga-download it DOTr sa LGU hay nakataeana sa pagahimuon nga relocation.
-- ADVERTISEMENT --
