-- ADVERTISEMENT --
Plano makaron ni Sangguniang Bayan member Augusto Tolentino nga uman nga ibalik ro inter-barangay sports competition sa banwa it Kalibo.
Angot kara, magahimo sigon imaw it sangka resolution bangud makabulig raya sa mga pamatan-on nga maging aktibo ag disiplinado.
Kinahang-ean suno kana nga mataw-an it atensyon ro physical education ag engganyuhon ro sports development program sa kabarangayan.
Pila sa mga sports nga posibleng magbukas sa inter-barangay hay ro volleyball, basketball, chess ag iba pa.
Dugang pa it opisyal nga may pondo nga ginatao ro lokal nga gobyerno sa kada barangay para suportahan ro programa.
-- ADVERTISEMENT --
