Nakit-an mismo ni Kalibo sangguniang bayan member Ketchie Luces ro sitwasyon it mga residente sa binit it baybayon sa Brgy. Caano eabi eon nawad-an it ilistaran bangud sa mabaskog nga hampak it humbak nga naghalit sa andang panimaeay.
Raya sigon ro nagtueod kana sa agud nga iduso ro sangka resolusyon angot sa pagpanupod it mga bakanteng unit it pabaeay sa may Brgy. Briones, Kalibo.
Una kara, ginpaboran raya sa plenaryo ro anang request bangud nga haeos katunga pa sa mga unit ro uwa naokupahan sa nasambit nga pabaeay.
Gin-usisa eon sigon nana raya ag nasayuran nga may mga unit nga uwa it naga-istar.
Angot kara, insigida man nga ginpadaehan it notice ro mga identified tenants nga uwa gihapon naga-istar sa pabaeay.
Ro mga bakanteng units hay iga raffle it uman ag ita-o sa mas eubus nga nagakinahang-ean.
