Gindismiss it sangguniang panlalawigan it Aklan ro ginpasaka nga kaso ni Punong Brgy. Oscar Almanon it Man-up, Batan kontra kay Batan sangguniang bayan member Joena Parco.
Ginpaathag ni Aklan board member Esel Flores, chairman committee on laws and ordinances nga gindismiss nanda raya bukon it sa meritu it kaso kundi sa kakueangan it attachments ukon requirements.
Nauna eon nga ginfile ro kaso sa ombudsman apang ginbalik sa SP bangud nga sanda ro may hurisdiksyon nga pamatian ro ginpasaka nga reklamo.
Nag-ugat sigon ro banggianay it daywang opisyal matapos nga ginbastos sigon ni Parco si Almanon bangud sa pagbawae sa pagpasueod it saeakyan sa terminal sa banwa.
Ro reklamo hay kato pang buean it Pebrero apang naabutan it election period rason nga pagkatapos eon it eleksyon raya nataw-an it igtaeopangod hasta nga nasayuran ro kakueangan sa mga requirements nga nagresulta sa pagkadismiss kara.
