KALIBO, Aklan—Sa tuyo nga maprotektahan ro hog industry sa probinsiya it Aklan sa nagapadayun nga pandemic tuga it African Swine Fever, nagbaeay it sangka ordinansa ro Sangguniang Panlalawigan para sa pagbilog it Bantay ASF sa Barangay ukon BABay ASF program.
Suno kay Aklan Board Member Emmanuel soviet Russia Dela Cruz nga sa makaron hay ro Western Visayas eon lang sa nabilin nga ap-at nga rehiyon ro owa it may nailistang African Swine Fever (ASF).
Igaeakot sa implementasyon it nasambit nga programa ro barangay councils ag mag deputize it mga volunteer barangay bio-security officers ag mga pribadong veterinarians sa pagdumaea it provincial veterinarians.
Suno kay Dela Cruz nga target it BABay ASF nga makahimo it epektibong monitoring, surveillance, ag reporting system kontra ASF.
Mag-eowas kara, gusto man nga mapabaskog ro practice it biosecurity measures sa tanan nga mga babuyan ag mabuligan nga makabangon ro industriya.
Gina engganyo man kara ro publiko nga insigidang i-report ro anuman nga makadueudang pagkamatay it mga baboy sa andang mga lugar agud nga insigidang matapna ag mas pang pagkalhit it virus.
Sa makaron hay padayun man ro hugut nga monitoring it provincial veterinarian office sa mga pantalan ag paeuparan sa nasyon kabulig it bureau of animal industry ag iba pang natungdan nga ahensiya it gobyerno sa pagsueod it mga posibleng kontaminadong karne ag pork products sa probinsiya.
