Nagpatigayon it committee hearing ro Sangguniang Panlalawigan angot sa planong uman nga pagbuhi sa pagdredge sa Aklan river bilang kaparte it flood mitigation and disaster control project it gobyerno provincial.
Raya hay may kaangtanan sa urgent request ni Aklan governor Joen Miraflores nga magsueod sa sangka memorandum of agreement ukon MOA sa tunga it Santarli (STL) Panay Resources Company Limited.
Una kara, ginapatihan ni Aklan first district board member ag chairperson sa committee disaster preparedness and peace and order nga si Nemesio Neron nga sabat raya sa mga naeksperyensyahan nga pag baha-baha sa probinsya it Aklan bangud nga kinahang-ean eon nga maakad ro suba ag mabuoe ro mga sand bars.
Madumduman nga ko Enero 2017 kat ginpauntat ro dredging operations it nasambit nga kompanya kasunod sa protesta it mga residente it Brgy. Bakhaw Norte, Kalibo bangud sa pagkahugos it eogta sa kilid it suba.
May kaangtanan kara, ginpahayag ni Aklan first district board member Apolinar Cleope, nga may ginpaguwa nga bag-ong protocols ro Department of Environment and Natural Resources kon sa siin kinahang-ean anay nana raya nga i-comply ag balikan dayon ro MOA kon nagaangot raya sa kada isaea.
Sa makaron sigon hay una eon sa proseso ro kompanya sa pagcomply it nasambit nga mga guidelines para maistoryahan it uman ro nasambit nga proyekto.
