KALIBO, Aklan—Dead on arrival nga gindaea sa Aklan Provincial Hospital ro sangka 14-anyos nga dalagita matapos nga nagpakamatay sa sangka barangay sa banwa it Banga.
Ginasugid nga ulihing nasapwan ro biktima sa andang baeay kahapon it agahon apang bandang alas-2:00 sigon it hapon kat napan-uhan it pamilya nga naduea-an raya rason nga andang gin-usoy.
Ginpahayag it tiya it biktima nga mga bandang alas-5:00 eon it hapon raya nakita it anang manghod nga uwa eon it kabuhi.
Gintinguhaan pa sigon raya nga madaea sa Aklan Provincial Hospital apang gindeklara man nga patay it nagtatap nga doktor.
Sa makaron hay blangko pa ro pamilya sa posibleng rason it pagpakamatay it nasambit nga biktima.
Samtang, kon may problema ka nga ginaangkon ag gusto mo it kaistorya, pwede kang magtawag sa National Center for Mental Health Crisis Hotline (NCMH-USAP) sa numero nga 0917-899-USAP (8727) ukon sa 7-989-USAP (8727) kamana man sa Hopeline PH 24/7 hotline numbers nga 0917-558-4673; 0918-873-4673 ukon 2919.
