KALIBO, Aklan—Nagreklamo sa pulisya ro sangka 19-anyos nga eaeaki matapos nga ginboe-an it litrato samtang naga-ihi sa c.r it sangka mabahoe nga mall sa banwa it Kalibo.
Base sa report, nakibot ro tagreklamo nga residente it banwa it Malinao kat nataeopangdan kara nga may naga-picture kana rason nga insigida imaw nga nagdangop sa Kalibo PNP para iparecord ro insidente.
Sa pag-usisa it pulisya, hugot man nga nagpamalibad ro ginareklamo nga kaparehong eaeaki nga ginboe-an nana it litrato ro complainant kon siin uwa man it nakit-an nga litrato sa anang cellphone.
Ko ulihi hay nasayuran nga magkaeampod ro daywa apang uwa eon ro mga raya nagkakilaea bangud nga nagsaylo it ilistaran ro pamilya it ginareklamong eaeaki.
Ro daywa hay nagkaayos eon man sa taeatapan it pulisya sa bulig man it mga ginikanan it tagreklamo.
