KALIBO, Aklan—Nagapangatubang sa kasong pag-eabag sa Republice Act 9165 ukon Comprehensive Dangerous Drugs Act of 2022 ro sangka 26-anyos nga eaeaki matapos nga madakpan sa ginkasa nga drug buy bust operation bandang alas-6:52 it gabi-i sa may bahin it Osmeña Avenue, Brgy. Estancia, Kalibo.
Ginkilaea ro suspek nga si Kenneth Dela ag tumandok it Roxas City, Capiz.
Suno kay P/Maj. Frenzy Andrade, head it PDEU-Aklan, narekober sa posisyon it suspek ro kapin sa 17 ka mga sachet it suspected shabu kon sa siin kapin sa 16 ka sachet ro narekober sa sueod it sangka box ag P6,000 nga buy bust money.
Ginaboeo-banta nga naga-abot sa masobra P50,000 ro kantidad it mga kontrabando nga narekober sa suspek.
Ginpahayag dugang ni Andrade, nagbuoe it suplay ro suspek sa Roxas City kon sa siin ginkarga raya sa sangka van ag ginpick-up sa banwa it Kalibo.
Kapin sa daywang dominggo eon sigon nanda raya nga ginamonitor kon sa siin ro Isla it Boracay ro anang target sa anang illegal nga aktibidad ag idto man imaw nagatrabaho.
Si Dela hay una eon sa kustudiya it pulisya para sa nagakaigong disposisyon.
