KALIBO, Aklan—Sangka 29-anyos nga mister ro emosyunal nga nagdangop sa Bombo Radyo Kalibo pinaagi sa programag Bombohanay Bigtime matapos nga bueagan sigon it anang live-in partner sa sueod it ap-at nga dag-on.
Suno kay Nilo Dela Cruz, residente it barangay Andagao, Kalibo nga nakaangkon sanda it diskusyon ko Huwebes nga adlaw it anang 21-anyos nga partner nga si Mary Ann Tacas it barangay Cayangwan, Makato.
Imaw sigon ro ginabasoe kara sa pagkamatay it andang sang dag-on ag an-um nga buean nga unga ko Disyembre 2 bangud sa pulmonya.
Gina-insister sigon it anang misis nga mag-eowas nga iresponsabli hay mama’s boy pa imaw nga hugut man nana nga ginpamalibaran.
Sa kagustuhan nga ayuson it Bombo Radyo ro problema it daywa bangud sa miserableng kahimtangan it mister, apang ginapatay ni misis ro anang cellphone kada ginatawagan.
Nagapanangison man raya nga nagahinyu sa anang asawa nga mag-uli eon sa andang baeay bangud nga pilang adlaw eon imaw nga owa it tueog.
Nasayuran nga naging mag-textmate ro daywa antes nga nagka-inlaban.
