Owa eon it kabuhi nga gindaea sa Provincial Hospital ro sangka 39-anyos nga eaeaki matapos nga mabun-an kainang alas 2:40 it aga-aga sa may bahin it Brgy. Daja Sur sa banwa it Banga.
Ginkilaea ro biktima kay John Eric Remetio ag residente it Brgy. Navitas sa banwa it Malinao ag nakaangkon it pilang ka mga lastro sa anang nagkaeain-eain nga kaeawasan.
Base sa inisyal nga imbestigasyon it Banga Municipal Police Station nga natabo ro pagpamuno sa sangka namatyan sa nasambit nga lugar.
Gina-alegar nga kabilugang ap-at ka mga persona ro sa likod it pagpamuna partikular ro mag-ama nga ginaturong primary suspek.
Angot kara, nasayuran nga may dating alitan sa tunga it mga suspek ag biktima.
Apang, sa makaron padayon sa gihapon ro ginapatigayon nga imbestigasyon it mga katapo it kapulisan sa pinakamotibo it mga suspek angot sa nasambit nga aksidente.
Sa makaron, padayon ro pagtugis sa mga suspek it Banga PNP matapos nga insigidang nagpaeagyiw matapos nga himuon ro nasambit nga krimen.
