KALIBO, Aklan—Magapangatubang sa kasong robbery ro sangka 39 anyos nga eaeaki matapos nga madakpan nga nagpanakaw sa sangka convenient store sa Brgy. Poblacion, Malinao.
Ginkilaea ro suspek nga si Daniel Bartolome, tumandok it Brgy. Andagao, Kalibo apang residente eon makaron it Brgy. Naile, Ibajay.
Una kara, nataeopangdan it tag-iya it baligyaan nga si Sandra Cordova nga may mga items sanda nga nagakaduea ko pilang inadlaw rason nga kahapon it truadlaw sa kasagsagan it tinda hay nagbantay sanda it husto agud nga madakpan kon sin-o ro responsable sa nasambit nga panakawan.
Dikara eon nadiskubrehan ro pagtikwi it suspek ag nakulimbat kara ro ilimnon nga aeak, powder milk ag detergent powder nga nagabalor it kueang kueang P1,000 pesos.
Bangud kara, insigida nga ginbitbit it mga otoridad ro suspek sa andang taeatapan kon siin imaw sa makaron temporaryong nakakulong para sa nagakaigong disposisyon.
