KALIBO, Aklan—Matapos ro haeos 6 nga dag-on nga pagpanago, nadakpan it mga otoridad ro ginakabig nga top 1 most wanted sa banwa it Malay.
Suno kay P/Major Don Dicksie de Dios, OIC it Malay municipal police station nga sa paghinakop eon makaron it Makati PNP ro akusadong si Angelito Tornea, 44-anyos nga eakot sa kasong 5 Counts of Rape ag Acts of Lasciviousness sa banwa it Malay.
Ro anang warrant of arrest hay pirmado ni Hon. Judge Bienvenido P. Barrios, Jr. it Regional Trial Court Branch 3 ag 6 nga may petsang January 28, 2016.
Ginasugid nga nauna raya nga nadakpan it mga operatiba it Makati police district bangud sa mga kasong pag-eabag sa illegal gambling ag RA 9165 ukon Comprehensive Dangerous Drugs Act of 2002 bangud sa pagiging runner it illegal nga droga sa nasambit nga lugar.
Gindugang ni De Dios nga matapos nga maatubang ro anang kaso sa Makati hay pagadaehon man raya sa korte nga natungdan sa Aklan.
Haeos daywang domingo sigon nanda raya nga ginsurveillance sa Makati ag San Andres Bukid.
Owa it pyansang ginrekomenda ro korte para sa anang kasong rape samtang kapin sa P12,000 ro para sa kasong acts of lasciviousness.
