KALIBO, Aklan—Nasapwan eon lang ro sangka 49-anyos nga eaeaki nga uwa eon it kabuhi samtang nagabitay sa puno it kahoy sa Brgy. Lumaynay, Altavas.
Ginkilaea ro biktimang si Juan Gumban, uwa it asawa ag residente man it nasambit nga lugar.
Base sa inisyal nga imbestigasyon it Altavas PNP, bandang alas-8:00 kabie kat nasapwan it anang igmanghod si Gumban nga nakabitay sa puno it kahoy sa guwa it andang panimaeay gamit ro sangka kaeat nga ginhigot sa anang liog.
Bangud kara, insigidang nag-imporma sa taeatapan it pulisya ro anang igmanghod agud nga maiparecord ro nasambit nga insidente.
Ginasugid nga gusto mag-abroad it biktima agud nga makatrabaho apang bangud sa sitwasyon makaron hay eubus raya nga ginkahangaw-an it anang pamilya.
Antes ro anang pagbigti hay nakipag-inuman pa raya sa anang mga barkada nga eubus man nandang ginkakibot pagkasayod sa nasambitang insidente.
