KALIBO, Aklan—Patay ro sangka 53-anyos nga eaeaki matapos nga ginbaril it kaugalingon nga gumankon bandang alas-11:00 it gabi-i ko adlaw it Lunes sa Sitio Agkawayan, Brgy. Ortega, Libacao.
Ginkilaea ni PSSgt. Randy Zubiaga it Libacao Police Station ro biktima nga si Lorenzo Zaballero samtang ro suspek hay nakilaea kay Louie Zaballero, 29-ayos ag parehong residente it nasambit nga lugar.
Ginasugid nga gingubat it biktima nga armado it talibong ro anang gumankon sa mismong panimaeay kara.
Ginhana pa sigon it suspek nga maglikaw apang pilit imaw nga ginahingabot it anang tiyo rason nga ana rayang ginpaeukpan gamit ro ginapanag-iyahan nga pugakhang.
Nasayuran nga parehong una sa idaeom it impluwensya it makahieilong nga ilimon ro magtimbang nga parte kat matabo ro insidente.
Owa man sigon it dating bagina ro daywa.
Angot kara, insigida nga nagsurrender ro suspek sa punong barangay it lugar matapos ro hitabo.
