KALIBO, Aklan—Sangka 54-anyos nga mister nga bueag sa anang asawa ro nagbigti gamit ro eubid sa sueod it andang baeay kaina it agahon sa Barangay Andagao, Kalibo, Aklan.
Ro biktima nga nakilaea kay alyas “Nardo” hay nakita mismo it anang Grade 9 student nga unga nga nakabitin ag haeos nga owa eon it kabuhi.
Insigida raya nga nagpangayo it bulig ag gindaea ro biktima sa ospital, apang gindeklarang dead on arrival.
Nasayuran nga bueag ro biktima sa anang asawa may waeong dag-on eon ro nagtaliwan.
Antes nga nagbueag hay nag-iba sanda sa sueod it 10 dag-on ag nakaangkon it sambilog nga unga.
Kasunod kara, ginpahayag dugang nga pirme nga nagapahilong ro biktima.
Samtang, blangko ro anang pamilya eabi eon ro anang dating live-in partner nga si alyas “Let”, 40-anyos sa motibo it anang pagpakamatay.
Suno pa kana nga owa man sanda it gin-awayan nga daywa nga posibleng magtueod kana agud nga magpakamatay.
Dugang pa kara nga may bag-o eon imaw nga asawa ag naga-istar sanda makaron sa Barangay Bulwang, Numancia, Aklan.
Nagapadayun ro imbestigasyon it Kalibo PNP agud nga matumod kon may foul play sa insidente.
