-- ADVERTISEMENT --
KALIBO, Aklan—Posibleng magapangatubang sa kasong pag-eabag sa Presidential Decree 1865 ukon Illegal Trading of Petroleum Products ro sangka eaeaki matapos nga naaktuhang illegal nga nagabaligya it gasolina bandang alas-9:00 kabie sa Brgy. Castillo, Makato.
Ginkilaea raya kay Oscardo Taladro, 55-anyos ag residente it nasambit nga lugar.
Base sa report, sang litro it gasolina nga nakabutang sa bote nga nagabalor it P55 ro nabakae it miyembro it intel section it Makato Police Station.
-- ADVERTISEMENT --
Bangud kara, insigidang gin-aresto si Taladro ag gindaea sa taeatapan it pulisya kon sa siin imaw sa makaron temporaryong nakakustudiya para sa nagakaigong disposisyon.
