-- ADVERTISEMENT --
KALIBO, Aklan – – – Sangka 60mm mortar unexploded bomb ro gin turn over sa Ibajay PNP Station kaina it bandang alas-6:00 ro pang orason.
Suno kay PO1 George Regalado, napan-uhan ni Punong Barangay Virgilio Cruz it Brgy. Santa Cruz, Ibajay ro puti nga plastic nga nagatunga maghalin sa pagka-eubong sa eugta sa likod nga parte it andang baeay ag kat paeapitan, nadiskubre nga raya hay sangka klase it vintage bomb.
Insigida sigon raya nga gin daea ni Cruz sa nasambitan nga police station rason nga nagtawag man sanda sa bahin it Explosive Ordinance Division (EOD) it Aklan Public Safety Company agud sa pag surender it bomba.
Sa makaron hay indi pa matumod kun ro nasambitan nga bomba hay ku tiempo pa it Hapon.
