Kalibo Aklan —-Sangka abandonadong puti nga van ro ginkustodiya it Kalibo Police Station.
Ro nasambit nga saeakyan hay naka-park sa kilid it karsada nga sakop it boundary it Brgy. Briones ag Nalook Kalibo .
Ginasugid nga haeos tatlong buean eon nga nataeupangdan it mga residente ro van sa nasambit nga lugar .
Gina-park sigon raya sa hapon ag ginabo-oe man kon gabi-i it owa nakilaea nga driver.
Bangud kara, nagkasa it surveillance ro mga otoridad kabi-i , apang posibleng natunugan raya it driver ag owa nagsipot rason nga ginpakamayad eon lang nanda nga bitbiton ro saeakyan sa police station.
Sa paghaeughog sa sueod it saeakyan hay nakita ro mga naka andar pa nga modem, router ag wifi connection.
Sa makarun hay nagapadayun pa ro imbestigasyon it pulisya sa nasambit nga insidente .
