KALIBO, Aklan—Nagpahayag it pagpabor ro sangka abogado sa mga naging pahayag ni Pangueong Ferdinand “Bongbong” Marcos, Jr. sa anang unang State of the Nation Address ukon SONA.
Suno kay Atty. Axel Gonzales, maskin nga bukon it masyadong specific, apang nakaplastar it klaru ro direksiyon it anang administrasyon agud nga masabat ro epekto it pandemya ag krisis sa ekonomiya.
Makabig man sigon nga puro retro ro anang approach sa development kapareho it mga plano sa sektor it agrikultura kun sa siin gusto nana nga ibalik ro mga dating programa it anang namatay nga ama nga si dating Pangueong Ferdinand Marcos, Sr.
Bangud nga super majority suno kana sa mataas ag manaba nga kapueongan it kongreso rason nga sigurado nga anuman ro igaduso nga laye sandig sa ginhathat nga 19 proposed bill it administrasyong Marcos hay makabo-oe it nagakaigo nga suporta.
Sigurado suno kana nga raya ro pagataw-an it atensyon ag prayoridad it mga kongresista ag senador.
